8 PACK சூர்யா - கடின உழைப்பா ??

வாரத்துல 20  நாள் வெளியூரில் வேலை; 8 ஊர்களில் ஒவ்வொரு ஊரிலும் மூன்று நாட்கள் என்று, கிட்டத்தட்ட மாதத்தில் 5 நாட்கள் வீட்டில் தங்குவதே பெரும்பாடு; "உனக்கெல்லாம் எதுக்கு கல்யாணம், குழந்தை.. பேசாம லவ் மட்டுமே பண்ணிட்டு இருந்திருக்கலாம்" - என் காதல் மனைவியின் புலம்பல் ஒரு பக்கம். "வயசான காலத்துல பக்கத்துல இருந்து பாத்துக்காம இப்படி ஜாலியா (?) ஊரு சுத்துனா எப்படி??" - எப்பயுமே இல்லன்னாலும் அப்பப்ப அம்மா .

முன்னெல்லாம் வாரத்துழு மூணு நாளாவது GROUND பக்கம் போயி கொஞ்சம் வொர்க் அவுட் செய்யறது வழக்கம்; ப்ரோமோசன் ங்கற பேர்ல ஊர் ஊரா சுத்தறதால PUSH UP எடுத்தே பல மாசம் ஆயிடுச்சி.

நேரா நேரத்துக்கு சாப்பிடுறதே பெரிய விஷயமா போயிட்ட வேலையில எங்க போய் நேரத்துக்கு ஜிம் வொர்க் அவுட் பண்ணறது? மாசத்துல பாதி நாள் பஸ்லையோ, ட்ரெயின் லியோ இருப்போம், சில நாள் ராத்திரி முழுக்க பயணம் தான். இப்ப எல்லாம் துங்கரதுக்காகவே  மாசத்துல ஒரு நாள் லீவ் போடுறேன்னா பாத்துக்கோங்க. சண்டே கூட விளையாட போறதில்ல.. தொப்பைய பாத்தா எனக்கே எரிச்சலா இருக்கு..

எப்ப எந்த ஜிம் கிராஸ் பண்ணாலும் , கிரௌண்ட் ட பாத்தாலும் ஒரு ஏக்கம். எப்ப இதுக்கெல்லாம் டைம் ஒதுக்கற மாதிரி வேலை அமைச்சுக்கப் போறோம்னு . நிற்க !!

செய்தி : வாரணம் ஆயிரம் படத்தில் 6 பாக்ஸ் காட்டிய சூர்யா, ஏழாம் அறிவில் 8 பாக்ஸ் காட்டி தனது கடின உழைப்பை வெளிப்படுத்தி உள்ளார்; பொது மக்களும், திரை விமர்ச்சகர்களும் அவர் கடின உழைப்பை பாராட்டிய வண்ணம் உள்ளனர் ..

வயித்தெரிச்சலா இருக்குங்க ... ஒரு வாரமா உரித்திக்கிட்டே இருக்கு .. சினிமா நடிகர்கள் 6 பாக் / 8 பாக் வக்கிறது பேர் கடின உழைப்பா ??. படத்துக்கு சம்பந்தம் இருக்கா இல்லையாங்கிறது ரெண்டாவது விஷயம். 

ஒரு படம் ஹிட் ஆனாலே 3   தலைமுறை உட்கார்ந்து சாப்பிட பணம் ரெடி, அதுக்கப்புறம் வரதெல்லாம் என்னன்னு சொல்ல?? இங்க அவனவன் நாளைக்கு 5 ASSIGNMENT ட்ட மண்டைல போட்டு உருட்டிட்டு இருந்தா, இவனுங்க வருசத்துக்கு ஒரு படம், ரெண்டு வருசத்துக்கு ஒரு படம்னு நடிக்குரானுங்க .. இவனுங்க நினச்சா   ஒரு நாள் பூராவும் ஜிம் லேயே கிடக்கலாம். பெரிய நடிகர்கள விடுங்க, துணை நடிகர்களுக்கு கூட ரொம்ப வசதியான டைம் இருக்கும் - இந்த மாதிரி விஷயங்களுக்கு.

மசுள் டெவலப் பண்ணறது கடின உழைப்புனா, நாமெல்லாம் கடின உழைப்பு செஞ்சி 6 / 8 பாக் வச்சா ப்ரோமோசன் கிடைக்குமா ?? இல்ல சம்பள உயர்வு தான் கிடைக்குமா??

கொஞ்சம் யோசிங்கப்பா !!

நமக்கு புடிச்ச நடிகர் நல்லா பாடி டெவலப் பண்ணி வச்சிருக்கார் ங்கறதுக்காக, படத்துக்கு சம்பந்தமே இல்லைன்னாலும் கடின உழைப்பை கொட்டியிருக்கார்னு சொல்லாதீங்க !!

கண்ணு தெரியாம, ஒன்னரை கண்ணா, கூன் விழுந்தவனா, இளம் நடிகர் வயதானவனா - இப்படி நடிப்புல பரிமாணம் காட்றது பேர் தான் உழைப்பு. உடம்புல இல்ல !!!